Müsəlmanların bir araya gəldikləri, birlik halında olduqları yerlərdən biri də məsciddir. Dinimiz, camaatla namaz qılmağı təşviq etmiş, bununla, birlik və bərabərliyin təmin olunacağını bildirmiş.
Rasulullahdan (ﷺ) bu mövzuda bir çox hədislər vardır. Bu hədislərdən birində belə demişdir:

Camaatla qılınan namaz , tək qılınan namazdan iyirmi yeddi dərəcə daha fəzilətlidir.

(Muslim, Məsacid , 42 )

Məscidə gedərkən diqqət edilməsi lazım olan bəzi xüsuslar vardır. Bunlar məscid və camaat ədəbi dediyimiz bəzi dini – əxlaqi əsaslardır və aşağıda qeyd olunmuşdur:

1Gözəl geyimlər geyinmək.

Ey Adəm oğulları! Məscidlərə (gedərkən) gözəl geyimlərinizi geyin. Yeyin-için, lakin israf etməyin, çünki (Allah) israf edənləri sevməz!

(Əraf surəsi, 31)

Məscidlərə gedərkən hər şeydən əvvəl geymimizə diqqət etməli və mümkünsə yeni və mütləq təmiz bir paltar geyinməliyik.Bu mövzuda ən çox diqqət ediləcək şey corab təmizliyi olmalıdır.. Ağ paltar geyinməyə üstünlük verməliyik. Fəqət geyimdə israfa yol verməməliyik. Məqsəd-təmiz, rahat, ayıb yerləri örtən, isti və soyuqdan qoruyan  paltar olmalıdır. 

2Soğan və sarımsaq yeməmək.

Rasulullah (ﷺ) bu barədə belə demişdir:

Sarımsaq və ya soğan yeyən kimsə bizdən və məscidlərimizdən uzaq olsun, evində otursun.

(Buxari, Ədəb, 76)

Əslində soğan və sarımsaq halal və faydalı yeməklərdir. Lakin bu bitkilərin qoxuları insanların xoşuna gəlməz. Bu səbəblə Peyğəmbərimiz (ﷺ) bu pis qoxu ilə məscidlərdə müsəlmanların narahat edilməsini istəməmişdir. Mövzunu bu qədər dar çərçivədə ələ almaq doğru deyil. Buradakı məqsədin, müsəlmanların pis qoxularla narahat edilməmələri olduğuna görə, siqaret və tər qoxusuna da diqqət etmek lazımdır. Bunların tam əksi olaraq məscidə gedərkən gözəl ətirlər sürmək isə təşviq edilmişdir.

3Məscidə ağır addımlarla , təmkin və sükunət içində getməli.

Və içəriyə sağ ayaqla addım ataraq “əuzu bəsmələ” çəkərək girməlidir. Ayaqqabılar çöldə təmizlənməli, içəridə də səliqəli şəkildə ayaqqabılığa qoyulmalıdır.

Ön cərgədə namaz qılmağın daha savablı olduğunu hər müsəlman bilir. Ancaq, məscidə gec gələnlərin camaatı yara-yara ön cərgıyə keçmesi məscid ədəbinə uyğun deyildir. Cərgələr düz və sıx olmalıdır

4Məsciddə hər kəs bərabərdir.

Kimsə digərinə görə imtiyazlı deyil. Ancaq imamın arxasında namaza duranların Qur`anın hamısını və ya bir qisimini əzbərləmiş, dini məlumatları yaxşı olan kəslər olması yenə məscid ədəbindəndir. Bunun səbəbi imam yanıldığında səhvini düzəltmək və ya hər hansı bir səbəblə imam namaza davam edə bilməzsə namazın qalan hissəsini qıldırmaqdır.

5Məscidlər Allahın evləridir.

Ora bu şüur ilə girilməli, içəridə səs-küy edilməməli, boş və faydasız şeylər danışılmamalı, səssizcə oturub vəz və Qur`an dinlənilməlidi. Məscidlərdə yatmaq (etikafa girən, müsafir, bir neçə gün özünü ibadətə həsr edən xaric) qibləyə doğru ayaq uzatmaq, qibləyə arxa çevirb oturmaq caiz deyil .

Qadınlar və uşaqlar da məscidə gedib namaz qıla bilərlər. Ancaq onlar kişilərin arasına qarışmamalı, ən arxada ayrı bir cərgə meydana gətirərək namaz qılmalıdırlar.

6Namazdan öncəsinə və sonrasına diqqət.

Məsciddən Allah Təalanın hüzurundan qaçırmış  kimi itişip  çölə çıxmaq, ayaqqabıları başqalarının üstünə-başına sürtmək heç də xoş olmayan davranışlardır.Burada da İslami nəzakət bizə rəhbər olmalıdır. Cümə gününün fəzilətindən və o gün qazandığımız savablardan  özümüzü məhrum etməyək. Unutmayaq ki şeytan bunu etmək üçün fürsət axtarır.


Bu məqalə Gənc Muslim Komandası tərəfindən hazırlanmışdır.

Bu mövzuda fikirlərinizi bizimlə bölüşün